صلة الرحم .. ذكرياتنا

أوصانا النبي المصطفي صلي الله عليه وسلم بسابع جار, وبالرفق بالصغير والعطف علي الكبير, وأوصانا أيضاً بعدم قطع صلة الرحم وكان لرسولنا عدد من الاحادبث عن صلة الرحم  ومنهم

عن أبي هريرة- رضي الله عنه- أنه قال : قال رسول الله صلى الله عليه 
وسلم (( من كان يؤمن بالله واليوم الآخر فليكرم ضيفه ، ومن كان يؤمن بالله 
واليوم الآخر فليصل رحمه،ومن كان يؤمن بالله واليوم الآخر فليقل خيراً أو ليصمت)) البخاري

ممكن نتكلم اكتر عن صلة الرحم بس من منطلق تاني, اكيد احنا عارفين انها من احد الاسباب ال ممكن تدخلك الجنة وايضا احد الاسباب ال ممكن تخلي حياتك مافيهاش بركة لما تقطعها

ننزل اكتر بالتفكير والكلام, كل شاب فينا او شابة وهو صغير عنده شخص في العيلة قريب اوي لقلبه وممكن يكون كل ذكرياته مع هذا الشخص, ممكن يكون العم او العمة او الخال, بس غالباً بيكون الجد او الجدة

بالنسبة لي كان جدي واكيد في معاه ذكريات لا يمكن تتنسي وذكريات خاصة بينا احنا ويس, بس في بين كل طفل وجده او جدته حاجات مشتركة او عامة مع كل الشباب

مثلاً

جدك او جدتك لما تترمي في حضنهم كان ليهم احساس مميز حلو اوي, كمان كان ليهم ريحة خاصة, عطر من نوع نادر, وخصوصاً بقي لو من العصر القديم, البارفان ال من السعودية و الخمس خمسات ال في كل بيت, و الطاقية البيضة ال كان جدك بيلبسها لما ينزل يصلي وترحة الصلاة بتاعة جدتك ... كل الكلام دة ليه ؟

الفترة الأخيرة كنت بسافر القاهرة كتير عند أهلي وجلي احساس كنت عايز أشاركه معاكو خصوصاً ان احنا في آخر السنة وسنة جديدة علي الأبواب

دخلت البيت وندمت اني مش بسافر القاهرة كتير, ذكريات وأوقات حلوة وصوت ضحك ولعب زكلام جميل

وتيجي تبص من الناحية التانية تلاقي ان الجيل الجديد العلاقة بينه وبين بعضه كلها إلكترونية, يا موبايل يا مافيش, ويا ريتها مكلمة دي مجرد رسالة معدومة المشاعر والأحاسيس المفروض ان شخص باعتهالي عشان يسأل عليا

مع انك اهلك دول علي طول فاكرينك وعامل ايه في المذاكرة واتخرجت ولا لسة وهنفرحك بيك امتي يا ولد ...

اوعي حد فيكو يسيب الناس البركة دي هيندم !!

يا ريت تكلم عمك اكيد الراجل دة وصلك ولا جابك مرة ووقف في صفك في حوار مع ابوك

خالك والعيدية والهزار والصور

عمتك الكبيرة ال بتعملك زي امك تمام ولا عمرها هتسيبك محتاج حاجة

جدك وجدتك الذكريات واللعب والشقاوة والأكل والعيدية

الناس دي مش انا ال هقنعك بحبهم ليك ولا حبك ليهم, دول عيلتك انت

بس النصيحة انك تسأل عليهم بصفة دورية وعي تليفون البيت ومُر عليهم لو جنبهم او تحت البيت, بس احساس الندم لما حد منهم يروح هيكون غير طبيعي

وأخيراً أمك وأبوك وفضلهم عليك من يوم مولدك, حتي لو الظلم في عنيهم بس اكيد في حاجة حلوة كانت معمولة عشانك, افتكرها وامسك فيها

ولا تقل لهما أف ولا تنهرهما

سنة جديدة سعيدة عليكو

مواقف حياتية .. ليتنا نتعظ

الكلام الجاي دة كله مواقف قابلتني انا شخصيا وليست من وحي الخيال, ساعات الواحد بيكتب كلام من تأليفه لتوصيل رسالة معينة , بس طبعاً المواقف الحقيقية لها تأثير اكبر علي القارئ خصوصأ لما تحب تناقش حاجة للموعظة

المقال عبارة عن جمل قصيرة وفي آخر كل جملة فراغ علي شكل نقاط لك منطلق الحرية سيدي القارئ انك تعبر عن الجملة في شكل كلمة, والكلمة هي الدرس المستفاد من الناس ال هحكي عليها

- الناس ال بتركب سوبر جيت كتير زي حالاتي هتلاحظ في موقف الجيزة قبل ما الأتوبيس يطلع علي الطريق تجاه الاسكندرية ان في راجل متأخر ذهنياً ب يبيع الجرايد, وكل كلامه "طب خد اي حاجة" المهم انا مش باخد جرايد عشان القرأة بليل صعبة في الأتوبيس, قمت مجهز فلوس في إيدي واول لما جاء جانبي قدمتهاله في إيده. قام رامي في حجري نسخة. قلت له لا والله انا مش عايز, قال لي لما ابقي اقول لله هبقي اخد منك الفلوس دون مقابل (...............)

- الناس ال ساكنة في سان ستيفانو هتعرف محصل الغاز, رفيع وابيض البشرة وبينطف (س) علي شكل حرف ال(ث), المهم اول مرة كان الغاز عامل 13 جنيه قمت مديله 15 وقلت له شكراً وقفلت الباب, قام مخبط علي الباب ومديلي الباقي 2 جنيه, الشهر ال بعده حصل نفس الموقف وسبت ال15 جنيه, قام قال لي يا باشا ما انت عارف من المرة ال فاتت اني مش باخد فلوس. اسأل الحجة جدتك هتقولك هي مجرباني من فترة, انا مرتبي كفاية عليا والباقي علي ربنا والله ماخدش فلوس من حد (...............)

- ركبت مرة ترام, وكان في ولد علي باب الله ب يبيع مناديل ولما ركب كان لسة مبعش حاجة والكمسري شخط فيه عشان الربع جنيه, قمت انا متقدم ودافع للولد وابتسملي, بعد محطتين الولد جري عليا وقال لي معاك ربع وتاخد نص ؟ سألته ليه يعني ؟ قال لي انا بعت باكو مناديل وبرجعلك فلوسك وأبويا قال لي هو دة الصح اني ارجع ال عليا (................)

- كنت بتمشي في شوارع القاهرة واحدة شابة بتقول لي اي حاجة لله, ولما لفيت وشافت إيدي المكسورة قالتلي والله خلاص مش هاخد حاجة منك انا عالرفة العلاج غالي (............)

- محمود او ابو حنفي, الراجل دة عجوز وكل شعره ابيض وعنده ذقن طويلة وب يقف علي محطة ترام زيزينيا وانت متجه لسان ستيفانو, الراجل دة صاحبي ومرة عرضت عليه وقلت له لو معاك بطاقة ندورلك علي شغل من الوسيط وتشتغل حارس عقار او في جراج, قال لي ما انا كنت بشتغل بس المذلة لله وحده. انا بحب اكون معالناس في الشارع. انا اه بمسح عربيات بس انا احسن من ال بيركبوا عربيات عارف ليه يا باشا ؟ عشان انا لقمتي حلال ومش باكل الحرام, وبعد كلامنا سلمت عليه وكانت إيده ناشفة أوي وعليه عصب كأنك بتسلم علي بطل ملاكمة (............)

- راجل كان قاعد علي محطة ترام رشدي وانا سايق بليل, الراجل شكله غلبان اوي وكان نايم وهو قاعد, المهم جهزت فلوس وقمت نازل حاطط المبلغ في إيده وهو نايم, ومشيت, بعد كدة السكة وقفت ولقيت الراجل دة بيرميلي الفلوس علي الكرسي ال جانبي وبيقول لي العفو يا بابشا انا ماقصدش, بس انا مش غلبان, الفكرة ان ابني كان عايز يتجوز ف سبتله  الشقة يتجوز فيها واني هقعد في مكان تاني, وانا اصلا معنديش مكان أروحه وضحكت علي ابني, انا بشتغل وباكل عيش ورضا, بس مافيش مكان انام فيه, ألف شكر يا باشا (..............)

- كنت زعلان اول اول مرة ان إيدي مكسورة, بس المرة تانية اه حاسسس اني متكتف ومحبوس بس ال مهن عليا لما فكرت في عامل شغال في سان مارك, جسمه مليان شوية وإيده مقطوعة مش مجرد مكسورة المهم كان شايل كتب سألته لو محتاج مساعدة, تشكرلي وقال لي انا تمام, فضلت متابعه لقيته قام حاطط الكتب دي علي عربية خشب في بتاع 500 كتا وقام شادد العربية من الحبل المشبوك فيها, تقل العربية دي ممكن يحتاج اتنين شباب عشان يجروها, وقام مبتسملي وماشي (..............)

دي شوية ماقف مش كلها, بس لو حابب عزيزي القارئ فكر في الكلمات وشوف الدرس ولو حابب اكتر شاركها معايا ونتكلم !!!

الملكة زنوبيا

الملكة زنوبيا

زنوبيا أو الزباء (240-274) كانت ملكة تدمر, قادت مع زوجها أذينه عصياناً علي الإمبراطورية الرومانية تمكنا من خلاله السيطرة علي معظم سوريا. بعد وفاة زوجها قادت الإمبراطورية التدمرية إلي غزو مصر لفترة وجيزة قبل أن يتمكن الإمبراطور أوريليان من هزمها وأسرها إلي روما حيث سُرعان ما توفيت لأسباب غامضة.

اسم زنوبيا الأصلي بالآرامية كان بات زباي أي بنت زباي. كما عُرفت باللاتينية باسم يوليا أوريليا زنوبيا وباليونانية سبتيما زنوبيا, كما عرفها العرب باسم الزباء. بالرغم من انحدارها من عائلة آرامية, زعمت زنوبيا إنها من أصل بطلمي, مشبهة نفسها بكليوبترا. ومن المؤكد إنها اعتنقت اليهودية في وقت ما من حياتها كما مالت إلي تعاليم بولس الشميشطي المسيحية, بينما زعم الطبري إنها من عماليق العرب.

اغتيال أذينه .. أثناء انشغال أذينه الثني ملك تدمر بإنشاء مجلس السيناتورات تمهيداً للانفصال عن روما سراً ومتظاهراً بالولاء جهراً فإن القيصر وعن طريق العيون يعلم بالأمر فيقرر اغتياله عن طريق أمراء آخرين يكنون الولاء لروما ويرغبون بتسلم حكم تدمر. كان علي رأسهم معن موينوس ابن أخت الملك أذينه. في حفلة صاخبة يسقي أذينه وابنه حران الخمر ويدخل معاونيهم ليقتلوهم عام 267م. كونها صاحبة الحضانة, فإن زنوبيا تتسلم الحكم الانتقالي باسم وهب اللات وتأسر معن ومن ساعده ولكونها صاحبة أعلي سلطة تحكم عليهم بالإعدام ويُنفذ. كانت زنوبيا تصف معن بالبذيء وتسيطر زنوبيا بقوتها وتحكم تدمر.

تولت الحكم وعُمرها 14 عاماً باسم ابنها وهب اللات, وأصبحت زنوبيا ملكة الملكات وتولت عرش المملكة وازدهرت تدمر في عهدها وامتد نفوذها علي جزء كبير من الشرق. مع وجود ألقاب أخري مثل المكلة المحاربة تعتمر زنوبيا خوذة أبوللو حين تحارب مع جيشها التدمري الذي فرض سيطرته جنوباً وشرقاً وغرباً وتلبس الملكة زنوبيا العمامة الكسروية عندما تقابل الوفود في ديوانها الملكي وقد كانت من ربات الفروسية والشجاعة.

توسعت مملكتها حتى شملت باقي مناطق سوريا وامتدت من شواطئ البوسفور حتى النيل, وأطلقت عليها الإمبراطورية الشرقية مملكة تدمر وأصبحت أهم الممالك وأقواها في الشرق علي الإطلاق, مما دعي الإمبراطور الروماني أورليانوس للتفاوض مع الملكة زنوبيا لتأمين حدود إمبراطوريته ولوقف زحف جيوش تدمر مقابل الاعتراف بألقاب ابنها وامتيازاته الملكية.

اللغة السُريانية

اللغة السُريانية

لغة سامية مشتقة من اللغة الآرامية, ويعتبرها بعض الباحثين تتطوراً طبيعياً لها موحدين بين اللغتين, نشأت اللغة الآرامية وهي أصل اللغة السُريانية, في الألف الأول قبل الميلاد لتكون العائلة الثالثة ضمن عائلة اللغات السامية. وأصبحت من القرن السادس قبل الميلاد لغة التخاطب الوحيدة في الهلال الخصيب إلي ما بعد الميلاد, حيث تمحورت تدريجياً واكتسبت اسمها الجديد "اللغة السُريانية" في القرن الرابع تزامناً مع انتشار المسيحية في بلاد الشام.

تُعتبر السُريانية اللغة الأم لطوائف الآشوريين/ السريان/ الكلدان المنتشرة في العراق وسوريا خاصةً, حيث أضحت من أهم العوامل التي تجمعهم. وبالرغم من ذلك فالسُريانية لم تُقتصر عليهم فقد استخدمها العديد من رجال الدين المسيحيين في كتاباتهم كالعرب (إسحاق النينوي وإيليا الحيري) والفُرس ( أفراهاط الملقب بالحاكم الفارسي) والأرمن (ميسروب ماشودتس وإسحاق الأرمني) والترك ( يشعوداد الماروزي). كما أصبحت اللغة الطقسية لبعض القبائل المنغولية المنتصرة قديماً ومسيحيو كيرا لا بجنوب غرب الهند. ويشير الباحثون إلي اتصال دائم بين اللغة السُريانية واللغة العربية بنتيجة الهجرة والتداخل التجاري والثقافي بين بلاد الشام وشبه الجزيرة العربية, غير أن التمازج الأعمق بين اللغتين لم يتم إلا في أعقاب الدولة الأُموية, فخلال المرحلة الأولي ظلت اللغة السُريانية لغة الدواوين وهيئات الدولة حتى عهد عبد الملك بن مروان, وإثر تعريب الدواوين ظلت السُريانية لغة التخاطب الوحيدة بنسب متفاوتة في القرى والمدن السورية بشكل عام حتى العهد المملوكي في القرن الثاني عشر حينما سيطرت اللغة العربية كلغة تخاطب بين أغلبية السكان. أما في لُبنان فقد ظلت السُريانية لغة التخاطب بين الموارنة حتى في القرن السادس عشرو وقد حلت العربية مكان السُريانية كلغة كتابة في مدن العراق الوسطي منذ القرن الثالث عشر.

اللغة السريانية تكتسب أهمية دينية خاصة في المسيحية, أولاً لأن يسوع المسيح قد تكلم باللغة الآرامية, التي تعتبر بمثابة اللغة الأم للسريانية, وثانياً لأن العديد من كتابات آباء الكنيسة والتراث المسيحي قد حُفظ بالسريانية, إلي جانب اللغة اليونانية, وفي الكنائس التي تتبع الطقس السرياني لا تزال تستخدم اللغة السريانية بشكل يومي في القدس الإلهي وعدد من العبادات الأخرى كلغة ليتورجية. وعموماً فإن هذه الكنائس تفرض بإلزامية متفاوتة, علي أبنائها خصوصاً الإكليروس دراسة اللغة السريانية وتعلمها, كذلك تبدو اللغة السريانية هامة لمنقبين والمؤرخين في الإطلاع علي الوثائق والمخطوطات القديمة التي غالباً ما كتبت بالسريانية والآرامية.

في الإسلام يشير بعض الفقهاء أن السريانية هي لغة أهل القبور أمثال حافظ السيوطي وعلم الدين البلقيني الذي فسر سبب ذلك بكون السريانية لغة الأرواح والملائكة, البعض الآخر أمثال العثيمين نفي الرواية, في حين يشير ابن حاتم وابن شيبه أن السريانية هي لغة يوم القيامة علي أن يتكلم داخلو الجنة لاحقاً العربية’ غير أن بعض الفقهاء كابن حنبل رؤوا أن السريانية كان لغة النبي آدم ونوح.

اعتبرت اللغة السريانية ردحاً طويلاً من الزمن لغة العلوم والفنون والآداب, خصوصاً في مدينة الرها (    أورفة حالياً في تركيا), والتي نشأت بها بنوع خاص, أولي المدارس السريانية, وعموماً فإن اللغة السريانية تُقسم إلي لهجتين وأبجديتين متقاربتين, الأولي السريانية الغربية نسبة إلي غرب نهر الفرات والثانية هي السريانية الشرقية نسبة إلي شرق نهر الفرات وبنوع خاص إلي الرها. تُكتب اللغة السريانية بالأبجدية السريانية المؤلفة من اثنان وعشرون حرفاً تجمع في خمس كلمات: أبجد, هوز, حطي, كلمن, سعفص, قرشت وتحوي حركات إعرابية تختلف بين السريانية الغربية والسريانية الشرقية وأشهرها خمسة تفيد في المد والقصر وحروف العلة.

كسائر اللغات السامية فإن السريانية تُكتب من اليمين إلي اليسار أو من أعلي الصفحة إلي أسفلها.

مما قرأت: مصطفي كمال أتاتورك

هذا الكتاب للكاتب المعروف منصور عبد الحكيم, كتبه استناداً علي الكثير من المصادر التاريخية التي دونت في عصر مصطفي كمال نفسه وأيضاً من ضباط الجيش الإنجليزي والفرنسي الذين عاصروا فترة حكمه

يبدو لك في بداية الأمر انك تعلم ما بداخل الكتاب, فمصطفي كمال رمز من رموز تركيا العريقة, يخيل لك انك لن تحصل علي معلومة جديدة بل مجرد كتاب ليرتب لك أفكارك, ولكن المفاجأة انه من أول فصل في الكتاب ستعرف ما لم تعرفه من قبل عن مصطفي كمال, وانه لم يحصل علي الحكم بل انتزعه من أنياب السطان, وكيف اعتمد علي الخيانة والرشوة والخداع في السيطرة علي من حوله

الكتاب جميل من الناحية التاريخية, ولكنه ضعيف من ناحية الأسلوب, فهذا الكتاب بالنسبة لي يعتبر مأخذ علي الكاتب المعروف منصور عبد الحكيم, حيث انك مع القرأة في الكتاب والسباحة في فصوله ستستشف ان الكلمات مكررة كثيراً, بل التعابير أيضاً تعدد , استخدامها وهذا يصيب القارئ أحياناً بالملل, فكان من الممكن اختصار الكثير من الفصول في فصل واحد بطريقة مباشرة سهلة وليس التكرار الأعمي الممل

وأخيراً, فإن قصة الكتاب جميلة وجديدة ولكنها لم تقدم علي أحسن وجه

مما قرأت : طابا, كامب ديفيد والجدار العازل

هذا الكتاب للدبلوماسي الخبير نبيل العربي, كتب هذا الكتاب من ذاكرته الخالصة موضحاً زوايا جديدة من القضايا العربية الإسرائيلية مبنية علي التجربة التي خاضها في السلك الدبلوماسي والحقائق التي عاشها بنفسه

الكتاب أكثر من رائع, فسرد الوقائع التاريخية ليست بالطريقة الأكاديمية المعتادة علي شكل تواريخ وإلقاء متواصل للمعلومات المتتالية, إنما علي شكل قصة من منظور رجل متواضع عاشها فعلاً, وهذا ما يشدك أكثر للكتاب حيث ثبات المعلومة في ذاكرتك نتيجة الأسلوب الممتع

وعلي المستوي الشخصي فالكتاب ليس للتاريخ فقط او حكاية أمة, فأسلوب نبيل العربي واضح في الكتاب, وأعتي بالأسلوب هو طريقة العيش الراقية والأناقة بل أيضاً الصمود والسعي وراء الهدف

هذا كتاب تتعلم منه التاريخ, التواضع, الدبلوماسية والأناقة

الترعة العمية

الترعة العامية دي مكان بعد حدود الأكاديمية الخلفية بأبي قير, عمري ما كنت أسمع عن المكان دة أبداً, حتي حاولت أعمل بحث علي جوجل عشان ألاقي الريق وبردو مافيش أ ي فايدة, المهم كل حاجة جاهزة, البطاطين ال هنوزعها, العربية النقل محملة, سواق تاكسي حابيبنا هنمشي وراه, والفريق اتوزع علي العربيات وبدأت الرحلة

تفضل ماشي علي الطريق بعد المنتزة وبعد كدة تدخل علي مكان تنسي فيه يعني ايه مدينة, في منتصف الطريق تلاقي كوبري, تعدي الكوبري وتدخل علي جزيرة مستطيلة في منتصف الترعة عرضها يادوبك 15 متر, مش مشكلة وأهو كملنا الطريق, تنزل بقي من العربية وتغرز بجزمتك في طينة عبارة عن طمي ومخلفات حيوانية وبشرية, رائحة بشعة كريهة ومنظر الترعة عبارة عن مياه والله ما تشوف ال تحتها علي عمق نصف متر, مياه خضراء مجرد النظر فيها يصيبك بالمرض,

والسؤال في بالي, هو بجد في ناس عايشة كدة ؟

إحساس يجيلك كدة انك طلعت من الجنة ودخلت النار الزيارة كلها لمست فيا حاجات كتير, مش مجرد توزيع بطاطين والسلام, الموضوع لأكبر من كدة بكتير,

أول حاجة:

في حاجة هتلمس الإنسان ال جواك, خصوصاً في أيام المطر, انت حياتك مادية بحتة, لابس ايه ورايح فين ومعاك كام في جيبك, دة ال بيحدد مستواك الإجتماعي, هناك السؤال دة مش موجود أصلاً, حياة صعبة رهيبة,

عرف إحساسك لما تفتح لعبة جديدة أو جالك موبايل غالي ؟

دى النظرة ال كانت في عينين الأولاد لحظة وصول البطاطين علي باب المنزل, او العشة بمعني أصح, احساس الدفء لمجرد النظر للبطانية, والله الحمد لله علي ال احنا فيه

تاني حاجة:

بصراحة كنت خايف من المكان, كمان رايحين ونصف الفريق من البنات, كنت بفكر جوا نفسي في العيال الصيع لما تشوف بنات زي ال بتطلع في التلفيزيون, رد الفعل هيكون ايه, المهم وصلنا, الصدمة لما تلاقي الرجالة الموجودة هناك وشها في الأرض, ولا كلمة معاكسة ولا مضايقة واحدة, الناس أصلاً مافيهاش حيل تعيش عشان تعاكس, حياتهم معتمدة علي المساعدات ...

ثالث حاجة:

 المكان علي بُعد 25 دقيقة من المنتزة, مش حاجة بعيدة أوي عن الأسكندرية, بس فرق ال كام دقيقة دة, ممكن تشتري شقة بمليون جنيه, علي البحر ومدخل فندقي, وممكن بردو تسكن في علبة صفيح علي ترعة, حياة مادية حقيرة

رابع حاجة:

في نهاية التوزيع, كان آذان الجمعة بدء, المهم راجل منهم مسك فينا وعينيه دمعت, كل ال طلبه مننا ان احنا نجمعلهم فلوس عشان سلك الكهرباء العمومي للعشش ملمس, بيكرهب الحيطة والعيال بتموت

سلك كهرباء يا موحدين بالله, يخلي راجل يعيط ويذل نفسه ويترجانا والله المبذرين أمثالنا هيدخلوا النار

ناس جعانة عريانة, حلمهم أساسياتالمعيشة الهامشية, مسكن وملبس وكهرباء, بس كدة .. الناس دي عندها روح التعاون, عندهم احترام أكثر من أهل المدينة, عندهم حلم, إصرار علي العيش وصبر .. رغن إني والله شوفت عيل نايم علي الأرض والفرخة بتنقر في راسه وهو مكمل نوم عادي

بعد الموقف دة أخدت قرار شخصي, غير اني هفضل بإذن اله أساعد الغلابة لحا ما أموت, بس أي حد هيقوللي مرسي أو سيسي والله ما هيكون في أي كلام بيني وبينه, ايه الهبالة ال احنا فيها دي, كل واحد قبل ما يتكلم يركب مشروع ب2 جنيه يزور عشش الترعة العمية, بعد كدة بقي نبقي نشوف هنكمل كلامنا إزاي والهتافات المتخلفة وسيسي قاتل ومرسي مش عارف ايه ...

وأي انتخابات رئاسية انا مقاطعها, ليه ؟

عشان الرئيس ال هيحكمنا لازم يكون عاشر الناس دي, شافهم وحس بيهم, سيسي ايه ومرسي ايه ال يمسكونا وهما أصلاً عمرهم ما احتكوا بالهامشتتن دول ؟

علي فكرة مصر مش اسكندرية ولا قاهرة, ولا سيدي جابر ولا تحرير, مصر بالنسبة لي الكبقة المطحونة, معزولة مش مسموعة, لنا ألاقي الترعة العمية دي خالية من البشر وتم تسكينهم أبقي أنزل أشارك في انتخابات وأرشح رئيس مننا, ونبتدي بعدها نتكلم تاني, بس حالياً, انسي ..

الإقتصاد الإسلامي

تكاثرت الأقاويل في الفترة الاخيرة عن الإقتصاد الإسلامي, وتكاثر الأقاويل ليس إهتماماً بالعلم ولكن بسبب ما زعمه الإخوان المسلمون عن اقتصادهم الفذ والذي بتطبيقه ينجح مشروع النهضة. من الناحية الأخري, من كلام الإخوان المسلمين أنفسهم, تستشف عدم فِهم مبادئ الإقتصاد الإسلامي من الأساس !! وتستشف أيضاً المبالغة في التعبير عن هذا الفرع من الإقتصاد وربط هذا العلم بمواضيع المعونات الأمريكية وحُرمانيتها وإلخ. الموضوع ابسط من ذلك بكثير وذلك ما سوف يفهمه القارئ إذا تابع المقال حتي تهايته.

الاقتصاد الإسلامي كأي فرع من الإقتصاد, مشابه للإقتصاد العام بفرعيه, الجزئي والكلي, في كثير من الخواص. فهو يدرس الأرباح, العرض والطلب, الإنتاج وإلخ, من المواضيع المعروفة لدارس الإقتصاد أو المهتم به, ولكن ما يميز الإقتصاد الإسلامي فعلاً انه, بطريقة مباشرة أو غير مباشرة مربوطاً ربطاً تاماً بتعاليم إسلامنا الحنيف التي حصلنا عليها من القرآن الكريم, الشريعة, أحاديث النبي المصطفي صلي الله عليه وسلم.

والآن نبذة عن الإقتصاد الإسلامي, ما به وما علينا إتجاه هذا الفرع من العلوم والشروط المتبعة حتي يُطبق بصورة سليمة

من الملحوظات :  الأولي, إن الإقتصاد الإسلامي يشجع التجارة والصناعة وحرية المتاجرة بما عندك من بضائع مشتراه أو مصنعة في بيتك مثلاً, ولكن عند التجارة يجب ان تتبع عدة شروط مذكورة صراحة, منها الأمانة, أن تكون أميناً عند البيع والشراء, ومن الأمثلة, مراعاة الناس عند وزن البضاعة فمن القرآن الكريم ما يدل علي ذلك (وَيْلٌ لِلْمُطَفِّفِينَ (1) الَّذِينَ إِذَا اكْتَالُوا عَلَى النَّاسِ يَسْتَوْفُونَ (2) وَإِذَا كَالُوهُمْ أَوْ وَزَنُوهُمْ يُخْسِرُونَ (3) أَلَا يَظُنُّ أُولَئِكَ أَنَّهُمْ مَبْعُوثُونَ (4) لِيَوْمٍ عَظِيمٍ (5) يَوْمَ يَقُومُ النَّاسُ لِرَبِّ الْعَالَمِينَ (6) ) ومما ذُكر أيضاً عن شروط المتاجرة هو العدل,  بعض الباعة يخزن البضاعة الممتازة والفاخرة لأصحاب المال الوفير والأغنياء ويعطي بضائع الدرجة الثانية للفقراء والمساكين وبنفس أثمان الدرجة الأولي, العدل أن يحصل الفرد علي بضاعة متوازنة ليست كلها بممتازة ولا كلها برديئة. ذكر إسلامنا الحنيف أيضاً التساهل والتسامح عند المعاملة التجارية, فإن كنت صاحب أرض زراعية, وتبيع المحصول لاتُصعب الامور علي التاجر الصغير الذي سيبيع ما اشتراه منك حتي يحصل علي قوت يومه.

 الخير, ان تعمل في مصلحة الخير, الشخصية والعامة, لأنك مهما كنت فأنت جزء من الكل, ولربما فسادك يصيب كل من حولك بضرر, وعملك الصالح ينفع الكثير من رفاقك.

من أخلاق الإسلام أيضاً, أن يكون مكسبك من عمل حلال, فلا تشر الخمر وتبيعه لتجني منه ربحاً و تبرهن ان ذلك ليس بحرام بمجرد انك لا تشربه ولكن تتجار به فقط !! بهذه الطريقة قد شاركت في معصية ونشرت ما هو فاسد وسط الشباب. أن يكون مكسبك حلال عند المتاجرة ببضائع مُوافق عليها شرعاً وليست محرمة, تفيدك في مكسبك ولا تكون ضرراً علي مجتمعك.

ينص الإقتصاد الإسلامي علي مراعاة الضمير في تجارتك وبضاعتك, فإن كنت صانع أحذية صغير أو مصنع كبير لتصنبيع الأحذية, يجب عليك إستغلال الموارد والمواد الخام تحت تصرفك بطريقة صحيحة وسليمة مستغلاُ إياهم الإستغلال الملائم, فتبتاع من الجلد ما يكفي لتصنيع الأحذية, فلا تطمع ولا تلق بعيداً بما فاض منك, يجب استغلاله.

ينادي الإقتصاد الإسلامي بالتوظيف الكامل ومحاربة البطالة, فقوة الأمة ورخائها نابع من قوتها الإقتصادية (أحد الأسباب وليس كلها) وان يعمل شعبها عملاً صالحاً.

من الأمثلة المذكورة, تستشف انك لم تقرأ شيئاً بجديد عليك, الأمانة, الضمير, العدل, إلخ, وأيضاً ما لم أذكر, كلها تعاليم الدين التي تسمع عنها منذ بداية دراستك في مرحلةالحضانة, ولكن السؤال هو, هل تُطبق هذه القواعد والشروط البسيطة ؟ 

الفقرة الأولي كانت تتكلم عن النظرية والمبدأ أكثر ما تكلمت عن الأدوات, الفقرة الثانية, تتحدث علي آليات وأدوات تطبيق هذه التعاليم إقتصادياً من أجل رخاء الفرد والمجتمع.

أولاً: الأديان السماوية كلها حرمت الربا (الفائدة) فالتحريم مذكوراً في التوراة والإنجيل والقرآن الكريم بطريقة مباشرة أو غير مباشرة, فنص قرأننا الكريم أن

 {الَّذِينَ يَأكُلُونَ الرِّبَا لاَ يَقُومُونَ إِلاَّ كَمَا يَقُومُ الَّذِي يَتَخَبَّطُهُ الشَّيطَانُ مِنَ المَسِّ ذَلِكَ بِأَنَّهُم قَالُوا إِنَّمَا البَيعُ مِثلُ الرِّبَا وَأَحَلَّ اللهُ البَيعَ وَحَرَّمَ الرِّبَا فَمَن جَاءَهُ مَوعِظَةٌ مِن رَبِّهِ فَانتَهَى فَلَهُ مَا سَلَفَ وَأَمرُهُ إِلى اللهِ وَمَن عَادَ فَأُولَئِكَ أَصحَابُ النَّارِ هُم فِيهَا خَالِدُونَ * يمحَقُ اللهُ الرِّبَا وَيُربي الصَّدَقَاتِ وَاللهُ لاَ يُحِبُّ كُلَّ كَفَّارٍ أَثِيمٍ * إِنَّ الَّذِينَ آمَنُوا وَعَمِلُوا الصَّالِحَاتِ وَأَقَامُوا الصَّلاَةَ وَآتَوُا الزَّكَاةَ لَهُم أَجرُهُم عِندَ رَبِّهِم وَلاَ خَوفٌ عَلَيهِم وَلاَ هُم يَحزَنُونَ * يَا أَيُّهَا الَّذِينَ آمَنُوا اتَّقُوا اللهَ وَذَرُوا مَا بَقِيَ مِنَ الرِّبَا إِن كُنتُم مُؤمِنِينَ * فَإِن لم تَفعَلُوا فَأذَنُوا بِحَربٍ مِنَ اللهِ وَرَسُولِهِ وَإِن تُبتُم فَلَكُم رُؤُوسُ أَموَالِكُم لاَ تَظلِمُونَ وَلاَ تُظلَمُونَ} [البقرة: 275 - 279]
وهناك أحاديث شريفة من رسولنا المصطفي (( عَنْ جَابِرٍ قَالَ لَعَنَ رَسُولُ اللَّهِ صَلَّى اللَّهُ عَلَيْهِ وَسَلَّمَ آكِلَ الرِّبَا وَمُؤْكِلَهُ وَكَاتِبَهُ وَشَاهِدَيْهِ وَقَالَ هُمْ سَوَاءٌ )) و (( كل قرض جر نفع فهو ربا )) 

التحريم واضح فيما مضي, وتطول المناقشة في هذا الموضوع والبراهين عدة, ولزيادة المعلومات للقارئ, هناك بعض الأمثلة لمخالفة رجال الدين أنفسهم لهذه التعاليم,  فاليهود أنفسهم هم من اخترعوا ما يسمي بالبنوك التجارية, وفي العصور الوسطي, كانت الكنيسة في أوروبا تُحرم الربا, ولكن عند نشرها لصكوك الغفران (ان تدفع مالاً مقابل الحصول علي المغفرة) والحصول علي المال الوفير, أصبحت الكنيسة نفسها بنكاً وتقرض المال مقابل فائدة, ومن أمثلة العصر الحديث, المفتي أيام الرئيس محمد حسني مبارك, أفتي بعدم حرمانية الربا وكان ذلك لمصلحة رجال الأعمال الخاصة.

ثانياً: الإقتصاد الإسلامي له أدوات عدة ومدروسة كفاية لشرح وتبسيط العملية الإقتصادية, بمجرد تطبيق هذة الآليات بتعاليمنا فقد حصلت علي مجتمع راق متقدم. من هذه الأدوات, المشاركة, المرابحة, الإستصناع, المزارعة, ولكل منها أحكام وشروط وشرح.

هذا بإختصار شديد الإقتصاد الإسلامي, بسيط, سهل واضح لا يحتمل المبالغة, لأسف في الفترة الأخيرة ظُلم هذا العلم, ولكما قرأت عنه سألني البعض "هو انت إخوان ؟" الموضوع ليس له أي علاقة بالإخوان المسلمين ولا بمشروع النهضة أو أي شئ من هذا القبيل, والمقترحات في هذا العلم كثير لو تم تطبيقها صحيحاً لإرتقينا.

وسوف أتناول كل هذة الآليات من مزارعة ومشاركة ومرابحة إلخ .. بالتفصيل في مقال آخر عن البنوك الإسلامية,

الرزق علي الله

من أحلي الجمل ال ممكن تسمعها هي جملة "ولكل دابة علي الأرض رزقها", طبعاً الرزق من عند الله سبحانه وتعالي, يمكن الموضوع مايكونش ولضح أوي, بس لو فكرت في كل موضوع علي إنفراد هتلاقي الموضوع مقنع وبيّن,

مثلاً انت كشخص ممكن تكون ناجح في عملك, نجاحك وعملك طبعاً معتمد عليك, بس انت نفسك معتمد علي ايه ؟ معتمد علي الصحة ال ربنا إدهالك, معتمد علي المخ الكويس ال ممكن تفكر بيه في الشغل وهكذا لحد لما يجي أخر الشهر وانت رجل طموح تقبض الفلوس ورزقك يبقي جالك,

يمكن الجملة دي من البديهيات, عشان دي حاجة انت اًصلاً عايشها, بس في حاجات ممكن تكون محتاجة لحظة من التفكير, تخيل معايا,

ممكن انت تزيح صخرة صغيرة من علي الشط, وتلعب بيها وتحدفها في المياه, بس انت مش عارف ان تحتها كان في حشرة مزنوقة مش عارفة تطلع تاكل, كدة ربنا سهلها عليها

مثال أوضح ..

ممكن تكون انت بتتمشي في النادي مع أخوك الصغير, وشوية فرافيت أكل وقعت منه, رزق للنمل

ممكن يبقي معاك طبق بطاطس, ومش قادر تكمله, قطة طلعت علي الترابيزة زي الحرامي لما انت مشيت وأكلت, رزقها

ممكن انت في البيت, "يا أمي مش قادر أكمل الأكل" وبعد كدة يترمي, هتلاقي الولد الغلبان ال بيلم البلاستيك, وهو بيدعبس في الزابلة لقي كيس الأكل دة, وجبته ورزقه

ممكن تكون في محل عصير راجل يصبلك الكباية الكبيرة بدل الصغيرة ويقولك حلال عليك يا باشا

ممكن متكونش جعان, وصاحبك وهو بيلعب كورة في المدرسة وقع منه الفلوس, ممكن يشاركك الوجبة, رزقه

لو مسكنا كل المواضيع مش هتتخيل ازاي ربنا مقسم أرزاقنا كلنا وكل واحد هياخد ال فيه النصيب

كل ال عليك انك تجتهد, اعمل ال عليك, اطحن في نفسك, أمانة, شفافية, كله بما يرضي الله, ورزقك هيجيلك لحد باب البيت :) 

مسلمين ومسيحيين

• 
  موضوع الليلة, المسلمين والمسيحيين:
  
  - من مشاكل الفترة الأخيرة, تخوف المسيحيين من الإخوان المسلمون, يعني كانت الست تبقي ماشية, خايفة حد يعورها لو راسها عريانة وشعرها باين, خايفة علي بنتها وهي ماشية راجعة من الدرس, خايفين من ضرايب زيادة, غرامات, معاملة سيئة, ممكن نصفهم كان شايف مستقبله بينهار أكتر في البلد, وكندا هي الحل ..
  
  بس قبل المشكلة دي, في مشكلة الأحياء المصرية المطحونة, ليه ؟ عشان كثرة النميمة, ممكن تلاقي 2 مسلمين بيتكلموا يقولك "أه يا عم أصل دول مسيحيين عليهم فلوس قد كدة", وممكن تسمع 2 مسيحيين بيقولوا "يا ابني خلينا في حالنا مع بعض", وكلمات شائعة كتير زي "احنا" .. "هما" , "انا وانت", في علي طول خوف كدة من الإختلاف, بس الصراحة ال يحتاج تناول أكتر هو كلام المسلمين علي المسيحيين (البعض يتكلم وليس الكل), والمشكلة ان الكلام مبقاش مجرد كلام تطور ووصل للشتيمة, بس انا عندي بعض الملاحظات قبل ما تشتم, والملاحظات دي مش دفاع عن المسيحيين أو حاجة دي مجرد حقيقة انا مش جايب حاجة من عندي:
  
  - ممكن تلاقي مسيحي علي طول متصور مع أبونا, وفرحان ومبسوط وفي عيد وأحلي كلام, مع انك انت يا مسلم, متصور مع شيخنا الجهادي التفجيري الزغلولي, انت ال بتشتم يعني, وعلي طول الراجل الشيخ دة مش بيشتم المسيحين بس, دة مقسم المسلمين كمان, انا لو عليا ممكن أتصور مع الشعراوي, بس مش ال .. يلا ما علينا
  
  - اتفرج علي أنشطة الكنيسة, رحلات وندوات وكل ال نفسك فيه, اه في جوامع بتعمل أنشطة, تفيظ قرآن وكله تمام, بس قبل ما تشتم شوف كام زاوية وركن للصلاة فيه واحد متشدد مش فاهم دين, وكان بيتكلم بألفاظ خارجة عن سياسة ومسيحيين وشتيمة في أي حد يعاديه ,,
  
  - 90% من الصيع والبلطجية اسمهم حمادة تقريباً وبعد حمادة اسم شهرة زي التعلب مثلاً
  
  - زي ما في مسلمين متشددين, في مسيحيين متشددين, دة لا تحتاج مناقشة, بس الفكرة يا مسلم يا متشدد, ممكن يكون عندك رسالة معينة أو هدف معين من كلامك, الفكرة في الطريقة, التكفير والتنفير والتخويف وان كل مسيحي في النار ومش عارف ايه, وانت مالك ؟ ما عليك إلا البلاغ المبين .. في سماحة الرسول (ص) ؟ المهاجرين والأنصار وموقف الرسول مثلاً ؟
  
  طريقة كلامك التشددية دي عاملة زي اليهود, مقتنعين 100% انهم شعب الله المختار, منهم من يرتكب الفواحش ويقولك ما انا كدة كدة مختار, ويعيش الدور, من تواضع لله رفعه.
  
  عزيزي المسلم أو المسيحي, فلتقل خيراً او لتصمت, ادعو لله, للمحبة, هتلاقي المشترك بين الأديان كتير أوي والله وممكن تتكلم فيه ليل نهار,
  
  القرن ال21, ولسة سيسي ولا مرسي, مسلم ولا مسيحي, في أصلاً قارات تانية غيرنا خلصت من المشاكل دي وبتتخانق المريخ ولا زحل عليه مياه !!!
  
  علي الحياد

الأب والأم

الأب:
- يعمل ليل نهار عشان حضرتك تاكل وتملي كرشك
- يشتريلك Samsung S4 وممكن هو يكون ماسك موبايل نوكيا بكشاف
- يديلك مصروف بما يعادل مرتب موظف حكومي
- يجبلك عربية اول ما تتخرج او يديك عربيته ال دافع فيها دم قلبه
- يجبلك أحلي لبس وأخر شياكة
- يشتريلك شقة وشبكة لمراتك انت وأحلي مهر كمان
- يوصل ويجيب ويسهر ويدورك علي لبن العصفور لما تحتاجه إلخ .. إلخ

الأم:
- تذاكرلك علي قد ما تقدر
- تسهر جانبك ليلة امتحانك
- تحضرلك 3 وجبات يومياً
- تغسل غسيلك كله بما فيه شربات حضرتك المميتة
- تنضف البيت علي الأقل مرة في الأسبوع وتشيل زبالة حضرتك علي الأرض
- كفاية حملت فيك 9 شهور

(الموبايل يرن)

الطفل لواحد صاحبه:

أهلي دول نفخ يا أخي انت مش عارف دول بيعملوا ايه, دول .. دول ..

لو عديت فضلهم عليك هتلاقي كتاب حياتك علي بعضه لا يكفي انك تكتب فيه ..

ربنا يهديك يا شيخ ..

الزواج في مصر

مع احترامي الشديد (كلمتي المشهورة اللي بقولها بدل ما اشتم), موضوع الزواج في مصر دة قمة الاستفزاز والرجعية, الحياة العاطفية تبدأ ب 2 بيحبوا بعض عادي جدا, في مرحلة إعدادي بقي ولا كلية مش فارقة, المهم الموضوع لذيذ شوية غيرة وهبالة عيال (شئ عادي) بعد شوية كمان لو الموضوع بجد تبدأ مرحلة بابا عايز يشرب القهوة مع باباكي .. هنا تبدأ مرحلة ان بابا العروسة يتحول إلي تاجر كبير عايز أكبر تمن في سلعته وبابا العريس راجل غلبان في محل وبينزل في السعر. 

- الشبكة يا ابني من 70 إلي 100 ألف جنيه .. حضرتك عارف بتتكلم في كام ورقة ؟ عارف 100 ألف دول يأكِلوا كام مسكين ولا ينقذوا كام مريض من الموت ؟ معلش انا آسف انا لما اتجوز واحدة (المفروض) هي عايزاني وانا عايزها, لا انا طمعان في حاجة ولا هي مستنية الشبكة المبهرجة وخلاص ولو جبت خاتم ذهب ليها وواحد فضة ليا الموضوع تمام وكل ما يكون معايا فلوس يا سيدي الفاضل هغرقها هدايا

- يا ابني الشقة لازم تكون مش أقل من 120 متر .. والله يا حج يعني نصف عظماء مصر كانوا ساكنين في كشك ولا في عزبة وطه حسين طلع بوز أهله لحد ما بقي حاجة .. مش ال120 متر اللي هيخلوا بنتك أميرة ولا ياما هنا وياما هناك, وفي ناس ساكنة أصلا 7 أفراد علي سرير واحد .. الفكرة في الترابط الاسري سيدي الفاضل وازاي البيت دة هيحافظ علي أولاده ويطلعوا ناس كويسة.

- يا ابني تشطيب الشقة لازم يكون علي الاقل 50 الف جنيه وطالع .. طب يا فندم انا عندي واحد حبيبي هيعملي القة كلها ب30 .. كُخة ؟ ولا لازم أحاسب حضرتك بالفواتير واثبتلك إني شديد ؟

- يا ولدي لازم الاجهزة كاملة من مجامعها, اللي بتعمل الشاي واللي بتعمل القهوة واللي بتنشف الغسيل .. حضرتك محتاج جهاز يحطلك المعلقة في فمك الراقي ؟ ما طول عُمر أهالينا بنغلي المياه علي النار وبننشر الغسيل في البالكونة ومحدش مات ولا حد نام جعان .. بلاش هبالة بقي .. نص بيوت مصر فيها اجهزة مركونة ولا بتتلمس وانا ممكن افكس 4 او اجهزة واجيب تلفيزيون 50 بوصة ولا عيب يا عمو ؟! توظيف الفلوس في حاجة مفيدة مش عيب

- يا ابني العربية لازم علي الزيرو المستعمل ما ينفعش لبنتي وهيتعبك .. وانت مالك !! انا اللي هصر قطع الغيار وهصلح واوصل واجيب .. ولما ربنا يكرمني اجيب احلي عربية ونعمل بيها حركات

** الفكرة مش فيا انا بس .. ابو العروسة ذات نفسه لازم يشتري الصيني وطقم الجيلي و و و ... في ايه يا جدعان ؟ نصف جهاز العروسة دة تفكير جاهلي اوي وكله بيترصص منظر وديكور بس في الآخر .. يا جماعة الفلوس اللي انا هوفرها دي هشلها لعيالي عشان اربيهم صح ونعمل احلي جيل .. والفلوس اللي ابو العروسة يشلها يتفسح بيها هو والحجة ولا يجيب هدايا لولاده ولا يعمل أي حاجة

** لو واحد ربنا مديله هيدفع الكلام دة ماشي وهيندم وهيفضل عايش طول النهار مخنوق ومهموم وكل ما يزعل ما مراته هيقول لها ماتنسيش انا دافعلك كام

** وكل الهبالة دي اكبر سبب في حاجتين, الحاجة الولي طمع رجال الاعمال والتجار .. ما هو شايف شباب اهبل بيضحك عليه ويشتري اي هبالة وبيرمي فلوسه في الارض خلاص بقي ارفع الاسعار واستغل

واكبر سبب للكبت الجنسي في الشارع المصري .. لما كل شوية الطبقة المطحونة شايف بنات حلوة بس عارف ان عمره ما هيطول واحدة منهم عشان فقير .. والبنت المكبوتة شايفة معظم الشباب معاهومش فلوس وجوازها هيتأخر تقوم تلبس ديق وكعب عالي وتتنزل تتمايل لده وده 

إرحموا اللي جابونا البلد اصلا منهارة اقتصاديا واحنا بندفع فلوسنا في هبالة .. واللي مش عاجبه كلامي هو حُر  !

5 جنيه لرشيد

نزلت اشتري شيبسي من علي اول شارع من عند الراجل حبيبي .. دخل المحل مرة واحد كدة واحد من المنطقة بس من الطبقة الغلبانة اللي في حالها ومعاه صورة من البطاقة وش وظهر. فالراجل صاحب المحل بيسأله مالك يا ابني في ايه ؟ قاله معلش دي صورة البطاقة كنوع من الضمان عشان انا محتاج اخد منك 5 جنيه اروح بيها للجيش في رشيد واول ما ارجع من السفر هتاخودها مني ولو مقدرتش دي صورة البطاقة واعمل اللي انت شايفه صح

. والله ما قدرت علي الموقف وفضلت مشلول في نص المحل. للدرجادي الدنيا دي "دنيا" اوي كدة ؟ شوية ورق مصنوع من القطن ومكتوب عليه ارقام ممكن يحدد مصير عبد ؟ ماديات الدنيا شغلانة اوي كدة والناس الواصلة عمالة تبهدل فينا والاحتكار هيخالينا نشحت ؟ انا اعتبر من الطبقة المتوسطة وفي حاجات كتير بستغني عنها عشان احوش فلوس احتياطي لاي ظرف وبطلت اطلب من كتر ما شايف البلد بتدبحنا. بس هنفضل كدة لحد امتي. الفكرة مش في مصر ولا اخوان ولا جبهة ولا زفت. الفكرة ان حاجة مش دايمة ماسكة في رقبتنا كدة وعمالة تطحن فينا وناس عمالة تتاخد في الرجلين. دة ولا فاهم سياسة ومش بعيد يكون أمي وجاهل .. بس عنده ضمير :) وواخد معاه اثبات ضدده انه هيكون مذنب لو مرجعش ال5 جنيه ..

 ارحمنا برحمتك يا رب .. متسبش حد جعان ولا سقعان ولا حد من غير بسمة علي وشه. والله الحمد لله علي كل شئ الدنيا حقيرة وفانية